سوکھ جاتا ہے ہر شجر مجھ میں
کچھ دعائیں ہیں بے اثر مجھ میں
جانتا ہی نہیں ہوں میں اس کو
وہ جو آنے لگا نظر مجھ میں
دھوپ میں دیکھ کر پرندوں کو
اگنے لگتا ہے اک شجر مجھ میں
پاؤں اب پوچھنے لگے مجھ سے
میں سفر میں ہوں یا سفر مجھ میں
آئنہ دیکھ کر لگا مجھ کو
میں نظر میں ہوں یا نظر مجھ میں
درد میں ڈوب ہی گئی آواز
ہجر نے اب کیا اثر مجھ میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
