سونے سونے دار و رسن بتلاتے ہیں
سونے سونے دار و رسن بتلاتے ہیں
سچ کہنے سے لوگ بہت کتراتے ہیں
آنسو بن جاتے ہیں غم کہلاتے ہیں
وہ جذبے جو دل ہی میں مر جاتے ہیں
یہ ہے بات جدا وہ ہم سے کہہ نہ سکے
ورنہ خواب تو گونگے کو بھی آتے ہیں
جس کی جانب آنکھ اٹھانا مشکل ہو
ہم اس سچائی پر قلم اٹھاتے ہیں
ہر فرمائش آئندہ پر ٹالتا ہوں
بچے مجھ سے جھوٹ بہت بلواتے ہیں
دل تیری قربت میں بھی افسردہ ہے
کیا شاخوں پر بھی غنچے کمھلاتے ہیں
دیدہ و دل دونوں کیوں اک ساتھ بجھے
مہر و ماہ اکٹھے کب گہناتے ہیں
سائے پھل اور پھولوں کے بدلے نصرتؔ
سوچئے ہم اشجار کو کیا لوٹاتے ہیں
مأخذ:
لمحۂ موجود (Pg. 55)
- مصنف: نصرت صدیقی
-
- ناشر: حاتم بھٹی
- سن اشاعت: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
