surat-e-gul kabhi zulfon mein saja kar le jae

Nabeel Ahmad Nabeel

surat-e-gul kabhi zulfon mein saja kar le jae

Nabeel Ahmad Nabeel

MORE BYNabeel Ahmad Nabeel

    sūrat-e-gul kabhī zulfoñ meñ sajā kar le jaa.e

    jab bhī chāhe vo mujhe apnā banā kar le jaa.e

    dil ko rakkhā hai sar-e-rāh-e-mohabbat kab se

    koī to aa.e idhar aur uThā kar le jaa.e

    rāt-bhar jāgtā rahtā huuñ maiñ is ḳhauf ke saath

    tujh ko mujh se na koī shaḳhs churā kar le jaa.e

    jab bhī aatī hai kisī aur se āñdhī aksar

    mere āñgan se tire naqsh uThā kar le jaa.e

    dāvat-e-ām hai us jaan ke dushman ko mujhe

    talḳhiyāñ maazī is baar bhulā kar le jaa.e

    jab bhī ta.abīr imkān nazar aatā hai

    merī āñkhoñ se koī ḳhvāb churā kar le jaa.e

    maiñ to is shaḳhs se kahtā rahā har baar 'nabīl'

    mujh ko do bol mohabbat ke sunā kar le jaa.e

    surat-e-gul kabhi zulfon mein saja kar le jae

    jab bhi chahe wo mujhe apna bana kar le jae

    dil ko rakkha hai sar-e-rah-e-mohabbat kab se

    koi to aae idhar aur uTha kar le jae

    raat-bhar jagta rahta hun main is KHauf ke sath

    tujh ko mujh se na koi shaKHs chura kar le jae

    jab bhi aati hai kisi aur se aandhi aksar

    mere aangan se tere naqsh uTha kar le jae

    dawat-e-am hai us jaan ke dushman ko mujhe

    talKHiyan mazi ki is bar bhula kar le jae

    jab bhi tabir ka imkan nazar aata hai

    meri aankhon se koi KHwab chura kar le jae

    main to is shaKHs se kahta raha har bar 'nabil'

    mujh ko do bol mohabbat ke suna kar le jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY