tab nahin sukun nahin dil nahin ab jigar nahin

taab nahīñ sukūñ nahīñ dil nahīñ ab jigar nahīñ

apnī nazar kidhar uThe koī idhar udhar nahīñ

roz shab uThte baiThte un kī zabān par nahīñ

koī nahīñ kī had nahīñ shaam nahīñ sahar nahīñ

koī yahāñ se chal diyā raunaq-e-bām-o-dar nahīñ

dekh rahā huuñ ghar ko maiñ ghar hai magar vo ghar nahīñ

itnī ḳhabar to hai zarūr le ga.e dil vo chhīn kar

kyā huā us kā phir ma.aal is kī mujhe ḳhabar nahīñ

kyuuñ vo idhar udhar phire kyuuñ ye hudūd meñ rahe

terī nazar to hai nazar merī nazar nazar nahīñ

mujh se bigaḌ kar apne ghar jā.iye ḳhair jā.iye

aap ne ye samajh liyā aah meñ kuchh asar nahīñ

dair ko ham ghaTā.eñ kyuuñ kaabe ko ham baḌhā.eñ kyuuñ

kyā hai ḳhudā kā ghar yahī kyā vo ḳhudā kā ghar nahīñ

parde se bāhar aa.iye ruḳh se naqāb uThā.iye

tāb-e-jamāl lā sake itnī mirī nazar nahīñ

mujh ko ḳhayāl-e-roz-o-shab ḳhaak rahe mazār meñ

aisī jagah huuñ jis jagah shaam nahīñ sahar nahīñ

teġh kaho sināñ kaho qahr kaho balā kaho

ahl-e-nazar kī raa.e meñ un kī nazar nazar nahīñ

Dar ga.e ahl-e-ajnuman tiir jo aap kā chalā

is ne kahā idhar nahīñ us ne kahā udhar nahīñ

roz ke ġham ne is tarah ḳhūgar-e-zabt-e-ġham kiyā

dard hamāre dil meñ hai shikva zabān par nahīñ

pūchhte haiñ vo hāl-e-dil tūl-e-suḳhan se fā.eda

sau kī ye ek baat hai kah duuñ mujhe ḳhabar nahīñ

un meñ kuchh aur baat thī in meñ kuchh aur baat hai

hazrat-e-'nūh' kā gumāñ hazrat-e-nūh par nahīñ

tab nahin sukun nahin dil nahin ab jigar nahin

apni nazar kidhar uThe koi idhar udhar nahin

roz shab uThte baiThte un ki zaban par nahin

koi nahin ki had nahin sham nahin sahar nahin

koi yahan se chal diya raunaq-e-baam-o-dar nahin

dekh raha hun ghar ko main ghar hai magar wo ghar nahin

itni KHabar to hai zarur le gae dil wo chhin kar

kya hua us ka phir maal is ki mujhe KHabar nahin

kyun wo idhar udhar phire kyun ye hudud mein rahe

teri nazar to hai nazar meri nazar nazar nahin

mujh se bigaD kar apne ghar jaiye KHair jaiye

aap ne ye samajh liya aah mein kuchh asar nahin

dair ko hum ghaTaen kyun kabe ko hum baDhaen kyun

kya hai KHuda ka ghar yahi kya wo KHuda ka ghar nahin

parde se bahar aaiye ruKH se naqab uThaiye

tab-e-jamal la sake itni meri nazar nahin

mujh ko KHayal-e-roz-o-shab KHak rahe mazar mein

aisi jagah hun jis jagah sham nahin sahar nahin

tegh kaho sinan kaho qahr kaho bala kaho

ahl-e-nazar ki rae mein un ki nazar nazar nahin

Dar gae ahl-e-ajnuman tir jo aap ka chala

is ne kaha idhar nahin us ne kaha udhar nahin

roz ke gham ne is tarah KHugar-e-zabt-e-gham kiya

dard hamare dil mein hai shikwa zaban par nahin

puchhte hain wo haal-e-dil tul-e-suKHan se faeda

sau ki ye ek baat hai kah dun mujhe KHabar nahin

un mein kuchh aur baat thi in mein kuchh aur baat hai

hazrat-e-'nuh' ka guman hazrat-e-nuh par nahin