tabish-e-husn hijab-e-ruKH-e-pur-nur nahin

tābish-e-husn hijāb-e-ruḳh-e-pur-nūr nahīñ

raḳhna-gar ho nigah-e-shauq to kuchh duur nahīñ

shab-e-furqat nazar aate nahīñ āsār-e-sahar

itnī zulmat hai ruḳh-e-sham.a pe bhī nuur nahīñ

rāz-e-sar-basta-e-fitrat na khulā hai na khule

maiñ huuñ is sa.ī meñ masrūf jo mashkūr nahīñ

sarf-e-nairañgī-e-nazzāra hai ḳhud apnā vajūd

ain vahdat hai koī nāzir-o-manzūr nahīñ

nazar aatā nahīñ go manzil-e-maqsad kā nishāñ

zauq-e-sādiq yahī kahtā hai ki kuchh duur nahīñ

tabish-e-husn hijab-e-ruKH-e-pur-nur nahin

raKHna-gar ho nigah-e-shauq to kuchh dur nahin

shab-e-furqat nazar aate nahin aasar-e-sahar

itni zulmat hai ruKH-e-shama pe bhi nur nahin

raaz-e-sar-basta-e-fitrat na khula hai na khule

main hun is sai mein masruf jo mashkur nahin

sarf-e-nairangi-e-nazzara hai KHud apna wajud

ain wahdat hai koi nazir-o-manzur nahin

nazar aata nahin go manzil-e-maqsad ka nishan

zauq-e-sadiq yahi kahta hai ki kuchh dur nahin