talib-e-did pe aanch aae ye manzur nahin

Safi Lakhnavi

talib-e-did pe aanch aae ye manzur nahin

Safi Lakhnavi

MORE BY Safi Lakhnavi

    tālib-e-dīd pe aañch aa.e ye manzūr nahīñ

    dil meñ hai varna vo bijlī jo sar-e-tūr nahīñ

    dil se nazdīk haiñ āñkhoñ se bhī kuchh duur nahīñ

    magar is pe bhī mulāqāt unheñ manzūr nahīñ

    ham ko parvāna o bulbul raqābat se ġharaz

    gul meñ vo rañg nahīñ sham.a meñ vo nuur nahīñ

    ḳhalvat-e-dil na sahī kūcha-e-shahrag sahī

    paas rah kar na sahī aap se kuchh duur nahīñ

    zauq-e-pāband-e-vafā kyuuñ rahe mahrūm-e-jafā

    ishq majbūr sahī husn to majbūr nahīñ

    tābish-e-husn ne jab Daal diye hoñ parde

    mumkin āñkhoñ se ilāj-e-dil-e-ranjūr nahīñ

    laao mai-ḳhāne meñ kaaT na deñ itnī raat

    masjideñ ho ga.iiñ māmūr ye māmūr nahīñ

    chheḌ de sāz-e-anal-haq jo dobāra sar-e-dār

    bazm-e-rindāñ meñ ab aisā koī mansūr nahīñ

    kabhī kaise ho 'safī' pūchh to letā koī

    dil-dahī magar is shahr meñ dastūr nahīñ

    talib-e-did pe aanch aae ye manzur nahin

    dil mein hai warna wo bijli jo sar-e-tur nahin

    dil se nazdik hain aankhon se bhi kuchh dur nahin

    magar is pe bhi mulaqat unhen manzur nahin

    hum ko parwana o bulbul ki raqabat se gharaz

    gul mein wo rang nahin shama mein wo nur nahin

    KHalwat-e-dil na sahi kucha-e-shahrag hi sahi

    pas rah kar na sahi aap se kuchh dur nahin

    zauq-e-paband-e-wafa kyun rahe mahrum-e-jafa

    ishq majbur sahi husn to majbur nahin

    tabish-e-husn ne jab Dal diye hon parde

    mumkin aankhon se ilaj-e-dil-e-ranjur nahin

    lao mai-KHane hi mein kaT na den itni raat

    masjiden ho gain mamur ye mamur nahin

    chheD de saz-e-anal-haq jo dobara sar-e-dar

    bazm-e-rindan mein ab aisa koi mansur nahin

    kabhi kaise ho 'safi' puchh to leta koi

    dil-dahi ka magar is shahr mein dastur nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY