tare banae kyon falak-e-pir ke liye

taare banā.e kyoñ falak-e-pīr ke liye

kyā the charāġh ḳhāna-e-zanjīr ke liye

naala yuñhī zarūr hai tāsīr ke liye

taqdīr jaise shart hai tadbīr ke liye

shorish meñ dil hai zulf-e-girah-gīr ke liye

dīvāna ġhul machātā hai zanjīr ke liye

qaht-e-junūñ yahī hai to pāband ishq ke

tarseñge ek dāna-e-zanjīr ke liye

rakh denā paas hijr meñ ḳhanjar bhī zahr bhī

ye hai ilaaj maut kī tāḳhīr ke liye

roġhan charāġh-e-tūr kā darkār hai hameñ

o yār-e-ḳhūb-rū tirī tasvīr ke liye

mil jaa.e māñgne se agar bhiik bhī mujhe

dar dar phirūñ maiñ pārā-e-taqdīr ke liye

vo shahsavār tū hai ki mīkāl-o-jibra.īl

dauḌe tere rikāb meñ tauqīr ke liye

umr-e-ravāñ ke vāste lāzim hai dāġh-e-ishq

raushan charāġh karte haiñ rahgīr ke liye

afsāna ḳhuub hai mirī zanjīr-o-tauq kā

haddād ko bulā.iye tahrīr ke liye

pahle to mere qatl kī qātil ko fikr thī

ab soch meñ hai laash kī tash.hīr ke liye

Thahrā na ek bhī mire dil ke javāb meñ

naqshe hazāroñ ka.abe kī ta.amīr ke liye

ḳhat kā na dhyān ulfat-e-abrū meñ chāhiye

nuqsān morche se hai shamshīr ke liye

chāhe agar faroġh to chup baiTh bazm meñ

kab hai zabān sham.a kī taqrīr ke liye

us sham.a-rū kī bazm gulistāñ se kam nahīñ

minqār-e-andalīb ho gul-gīr ke liye

abrū kā husn aur bhī afshāñ se baḌh gayā

jauhar se aabrū huī shamshīr ke liye

siina bhī sāmne hai jigar bhī hai sāmne

kyā kyā hadaf haiñ yaar tire tiir ke liye

mujh rind kā bane jo pas-e-marg maqbara

ḳhisht-e-ḳhum-e-sharāb ho ta.amīr ke liye

bād-e-fanā yaqīñ hai na miTTī nasīb ho

tālib huuñ āsmāñ se jo iksīr ke liye

majnūñ ke baad tauq-o-salāsil hameñ mile

ham ne tabarrukāt ye sab piir ke liye

ghar meñ ḳhudā ke shān-e-yadullāh dekhnā

dosh-e-nabī pe paañv the tasvīr ke liye

piite sharāb ḳhvāb meñ dekhā hai 'kaif' ko

pīr-e-muġhāñ sā piir ho tā۔bīr ke liye

tare banae kyon falak-e-pir ke liye

kya the charagh KHana-e-zanjir ke liye

nala yunhi zarur hai tasir ke liye

taqdir jaise shart hai tadbir ke liye

shorish mein dil hai zulf-e-girah-gir ke liye

diwana ghul machata hai zanjir ke liye

qaht-e-junun yahi hai to paband ishq ke

tarsenge ek dana-e-zanjir ke liye

rakh dena pas hijr mein KHanjar bhi zahr bhi

ye hai ilaj maut ki taKHir ke liye

roghan charagh-e-tur ka darkar hai hamein

o yar-e-KHub-ru teri taswir ke liye

mil jae mangne se agar bhik bhi mujhe

dar dar phirun main para-e-taqdir ke liye

wo shahsawar tu hai ki mikal-o-jibrail

dauDe tere rikab mein tauqir ke liye

umr-e-rawan ke waste lazim hai dagh-e-ishq

raushan charagh karte hain rahgir ke liye

afsana KHub hai meri zanjir-o-tauq ka

haddad ko bulaiye tahrir ke liye

pahle to mere qatl ki qatil ko fikr thi

ab soch mein hai lash ki tashhir ke liye

Thahra na ek bhi mere dil ke jawab mein

naqshe hazaron kabe ki tamir ke liye

KHat ka na dhyan ulfat-e-abru mein chahiye

nuqsan morche se hai shamshir ke liye

chahe agar farogh to chup baiTh bazm mein

kab hai zaban shama ki taqrir ke liye

us shama-ru ki bazm gulistan se kam nahin

minqar-e-andalib ho gul-gir ke liye

abru ka husn aur bhi afshan se baDh gaya

jauhar se aabru hui shamshir ke liye

sina bhi samne hai jigar bhi hai samne

kya kya hadaf hain yar tere tir ke liye

mujh rind ka bane jo pas-e-marg maqbara

KHisht-e-KHum-e-sharab ho tamir ke liye

baad-e-fana yaqin hai na miTTi nasib ho

talib hun aasman se jo iksir ke liye

majnun ke baad tauq-o-salasil hamein mile

hum ne tabarrukat ye sab pir ke liye

ghar mein KHuda ke shan-e-yadullah dekhna

dosh-e-nabi pe panw the taswir ke liye

pite sharab KHwab mein dekha hai 'kaif' ko

pir-e-mughan sa pir ho ta۔bir ke liye