tare jo bujh gae wo mere aasman ke the

taare jo bujh ga.e vo mire āsmāñ ke the

murjhā ga.e jo phuul mire gulsitāñ ke the

jo chīḳh dab ga.ī thī vo ik be-zabāñ kī thī

jo naqsh miT ga.e vo kisī kārvāñ ke the

bachche ko khelne kī ijāzat na de sakā

majbūr thā khilaune vo us kī dukāñ ke the

ham se shurū' thī na vo ham par hī ḳhatm thī

lagtā hai is kahānī meñ ham darmiyāñ ke the

jo aaj bik rahe haiñ sajāne ko mahfileñ

hai kal kī baat vo bhī kisī gulsitāñ ke the

bikhre to phir vujūd kisī kā na rah sakā

TuuTe hue ye hisse kabhī ik makāñ ke the

har baar kar ke vaar vo itrā.e thā magar

nādān thā vo vaar bas ik nā-tavāñ ke the

jin ke diloñ meñ pyaar mohabbat ḳhulūs thā

vo kis tarah ke log the vo kis jahāñ ke the

tare jo bujh gae wo mere aasman ke the

murjha gae jo phul mere gulsitan ke the

jo chiKH dab gai thi wo ek be-zaban ki thi

jo naqsh miT gae wo kisi karwan ke the

bachche ko khelne ki ijazat na de saka

majbur tha khilaune wo us ki dukan ke the

hum se shuru' thi na wo hum par hi KHatm thi

lagta hai is kahani mein hum darmiyan ke the

jo aaj bik rahe hain sajaane ko mahfilen

hai kal ki baat wo bhi kisi gulsitan ke the

bikhre to phir wujud kisi ka na rah saka

TuTe hue ye hisse kabhi ek makan ke the

har bar kar ke war wo itrae tha magar

nadan tha wo war bas ek na-tawan ke the

jin ke dilon mein pyar mohabbat KHulus tha

wo kis tarah ke log the wo kis jahan ke the