taDap uThun bhi to zalim teri duhai na dun

Ahmad Faraz

taDap uThun bhi to zalim teri duhai na dun

Ahmad Faraz

MORE BYAhmad Faraz

    taḌap uThūñ bhī to zālim tirī duhā.ī na duuñ

    maiñ zaḳhm zaḳhm huuñ phir bhī tujhe dikhā.ī na duuñ

    tire badan meñ dhaḌakne lagā huuñ dil tarah

    ye aur baat ki ab bhī tujhe sunā.ī na duuñ

    ḳhud apne aap ko parkhā to ye nadāmat hai

    ki ab kabhī use ilzām-e-bevafā.ī na duuñ

    mirī baqā mirī ḳhvāhish-e-gunāh meñ hai

    maiñ zindagī ko kabhī zahr-e-pārsā.ī na duuñ

    jo Than ga.ī hai to yaarī pe harf kyuuñ aa.e

    harīf-e-jāñ ko kabhī tān-e-āshnā.ī na duuñ

    mujhe bhī DhūñD kabhī mahv-e-ā.ina-dārī

    maiñ terā aks huuñ lekin tujhe dikhā.ī na duuñ

    ye hausla bhī baḌī baat hai shikast ke ba.ad

    ki dūsroñ ko to ilzām-e-nā-rasā.ī na duuñ

    'farāz' daulat-e-dil hai matā-e-mahrūmī

    maiñ jām-e-jam ke evaz kāsa-e-gadā.ī na duuñ

    taDap uThun bhi to zalim teri duhai na dun

    main zaKHm zaKHm hun phir bhi tujhe dikhai na dun

    tere badan mein dhaDakne laga hun dil ki tarah

    ye aur baat ki ab bhi tujhe sunai na dun

    KHud apne aap ko parkha to ye nadamat hai

    ki ab kabhi use ilzam-e-bewafai na dun

    meri baqa hi meri KHwahish-e-gunah mein hai

    main zindagi ko kabhi zahr-e-parsai na dun

    jo Than gai hai to yari pe harf kyun aae

    harif-e-jaan ko kabhi tan-e-ashnai na dun

    mujhe bhi DhunD kabhi mahw-e-aina-dari

    main tera aks hun lekin tujhe dikhai na dun

    ye hausla bhi baDi baat hai shikast ke baad

    ki dusron ko to ilzam-e-na-rasai na dun

    'faraaz' daulat-e-dil hai mata-e-mahrumi

    main jam-e-jam ke ewaz kasa-e-gadai na dun

    Videos
    This video is playing from YouTube

    Videos
    This video is playing from YouTube

    Hariharan

    Hariharan

    RECITATIONS

    Nomaan Shauque

    Nomaan Shauque

    Nomaan Shauque

    taDap uThun bhi to zalim teri duhai na dun Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY