tah-ba-tah hai raaz koi aab ki tahwil mein

Alam Khursheed

tah-ba-tah hai raaz koi aab ki tahwil mein

Alam Khursheed

MORE BYAlam Khursheed

    tah-ba-tah hai raaz koī aab tahvīl meñ

    ḳhāmushī yuuñ nahīñ rahtī hai gahrī jhiil meñ

    maiñ ne bachpan meñ adhūrā ḳhvāb dekhā thā koī

    aaj tak masrūf huuñ us ḳhvāb takmīl meñ

    har ghaḌī ahkām jaarī kartā rahtā hai ye dil

    haath bāñdhe maiñ khaḌā huuñ hukm ta.amīl meñ

    kab mirī marzī se koī kaam hotā hai tamām

    har ghaḌī rahtā huuñ maiñ kyuuñ be-sabab tājīl meñ

    māñgtī hai ab mohabbat apne hone subūt

    aur maiñ jaatā nahīñ iz.hār tafsīl meñ

    mudda.ā terā samajh letā huuñ terī chaal se

    pareshāñ hai abas alfāz tāvīl meñ

    apnī ḳhātir bhī to 'ālam' chiiz rakhnī thī koī

    ab kahāñ kuchh bhī bachā hai terī is zambīl meñ

    tah-ba-tah hai raaz koi aab ki tahwil mein

    KHamushi yun hi nahin rahti hai gahri jhil mein

    main ne bachpan mein adhura KHwab dekha tha koi

    aaj tak masruf hun us KHwab ki takmil mein

    har ghaDi ahkaam jari karta rahta hai ye dil

    hath bandhe main khaDa hun hukm ki tamil mein

    kab meri marzi se koi kaam hota hai tamam

    har ghaDi rahta hun main kyun be-sabab tajil mein

    mangti hai ab mohabbat apne hone ka subut

    aur main jata nahin izhaar ki tafsil mein

    muddaa tera samajh leta hun teri chaal se

    tu pareshan hai abas alfaz ki tawil mein

    apni KHatir bhi to 'alam' chiz rakhni thi koi

    ab kahan kuchh bhi bacha hai teri is zambil mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY