تجلی سے تری معمور ہونا
تجلی سے تری معمور ہونا
کوئی دیکھے مرا مغرور ہونا
اسی کا نام شاید زندگی ہے
کبھی ہنسنا کبھی رنجور ہونا
تری محفل میں آکر ہم نے دیکھا
کسی مختار کا مجبور ہونا
حقیقت میں ہے معراج محبت
تمناؤں کا دل سے دور ہونا
نہ بن جائے کوئی تازہ مصیبت
دل نادان کا مسرور ہونا
ذرا فرصت ملے تو دیکھ جاؤ
دل زیدیؔ کا غم سے چور ہونا
مأخذ:
نمود صبح (Pg. 242)
- مصنف: تہور علی زیدی
-
- سن اشاعت: 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
