taKHliq ke parde mein sitam TuT rahe hain

Kausar Jayasi

taKHliq ke parde mein sitam TuT rahe hain

Kausar Jayasi

MORE BYKausar Jayasi

    taḳhlīq ke parde meñ sitam TuuT rahe haiñ

    aazar ke hāthoñ se sanam TuuT rahe haiñ

    Dhaa.ī kahīñ jaatī hai jo ta.amīr-e-mohabbat

    mahsūs ye hotā hai ki ham TuuT rahe haiñ

    suljhe na masā.il ġham o aflās ke lekin

    tafsīr-e-masā.il meñ qalam TuuT rahe haiñ

    be-faiz guzar jaate haiñ gulshan se hamāre

    mausam ke bhī ab qaul-o-qasam TuuT rahe haiñ

    raqqās-e-shabistān-e-havas tujh ko ḳhabar hai

    ā.īne tire zer-e-qadam TuuT rahe haiñ

    raat aur javāñ ho to ujālā ho fazā meñ

    palkoñ se sitāre abhī kam TuuT rahe haiñ

    bedār hue jaate haiñ ījād ke sho.ale

    har lahza tilismāt-e-adam TuuT rahe haiñ

    allāh-re kashish us nigah-e-zohd-shikan

    markaz se ġhazālān-e-haram TuuT rahe haiñ

    allāh ke hote mujhe kyuuñ fikr ho 'kausar'

    bandoñ ke jo ā.īn-e-karam TuuT rahe haiñ

    taKHliq ke parde mein sitam TuT rahe hain

    aazar hi ke hathon se sanam TuT rahe hain

    Dhai kahin jati hai jo tamir-e-mohabbat

    mahsus ye hota hai ki hum TuT rahe hain

    suljhe na masail gham o aflas ke lekin

    tafsir-e-masail mein qalam TuT rahe hain

    be-faiz guzar jate hain gulshan se hamare

    mausam ke bhi ab qaul-o-qasam TuT rahe hain

    raqqas-e-shabistan-e-hawas tujh ko KHabar hai

    aaine tere zer-e-qadam TuT rahe hain

    raat aur jawan ho to ujala ho faza mein

    palkon se sitare abhi kam TuT rahe hain

    bedar hue jate hain ijad ke shoale

    har lahza tilismat-e-adam TuT rahe hain

    allah-re kashish us nigah-e-zohd-shikan ki

    markaz se ghazalan-e-haram TuT rahe hain

    allah ke hote mujhe kyun fikr ho 'kausar'

    bandon ke jo aain-e-karam TuT rahe hain

    Source :
    • Book : Nishat-e-Fikr (Pg. 125)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY