taKHt jis be-KHanaman ka dast-e-virani hua

taḳht jis be-ḳhānamāñ kā dast-e-vīrānī huā

sar upar us ke bagūlā tāj-e-sultānī huā

kyuuñ na saafī us kuuñ hāsil ho jo misl-e-ārsī

apne jauhar kī hayā suuñ sar-ba-sar paanī huā

zindagī hai jis kuuñ daa.im ālam-e-bāqī munīñ

jalva-gar kab us añge yū ālam-e-fānī huā

bekasī ke haal meñ yak aan maiñ tanhā nahīñ

ġham tirā siine meñ mere hamdam-e-jānī huā

ai 'valī' ġhairat suuñ sūraj kyuuñ jale na.iiñ rāt-din

jag munīñ vo maah rashk-e-māh-e-kan.ānī huā

taKHt jis be-KHanaman ka dast-e-virani hua

sar upar us ke bagula taj-e-sultani hua

kyun na safi us kun hasil ho jo misl-e-arsi

apne jauhar ki haya sun sar-ba-sar pani hua

zindagi hai jis kun daim aalam-e-baqi munin

jalwa-gar kab us ange yu aalam-e-fani hua

bekasi ke haal mein yak aan main tanha nahin

gham tera sine mein mere hamdam-e-jaani hua

ai 'wali' ghairat sun suraj kyun jale nain raat-din

jag munin wo mah rashk-e-mah-e-kanani hua