tamam aks andheron mein kho gae jaise

tamām 'aks añdheroñ meñ kho ga.e jaise

ham apne aap meñ gumnām ho ga.e jaise

hamārī 'ādateñ ham ko kabhī na raas aa.iiñ

hameñ hamāre hunar hī Dubo ga.e jaise

vahī fazā vahī mausam magar tumhāre baġhair

tamām silsile ab bojh ho ga.e jaise

tumhāre baa'd zabāñ par na koī baat rahī

tumhāre baa'd sabhī lafz kho ga.e jaise

tamam 'aks andheron mein kho gae jaise

hum apne aap mein gumnam ho gae jaise

hamari 'adaten hum ko kabhi na ras aain

hamein hamare hunar hi Dubo gae jaise

wahi faza wahi mausam magar tumhaare baghair

tamam silsile ab bojh ho gae jaise

tumhaare ba'd zaban par na koi baat rahi

tumhaare ba'd sabhi lafz kho gae jaise