tamam lafz-o-ma’ani mein KHak uDti hai
tamām lafz-o-ma’ānī meñ ḳhaak uḌtī hai
hamārī sehr-bayānī meñ ḳhaak uḌtī hai
havā ḳhamīr meñ shāmil hai merī ḳhaak ke saath
to merī saarī kahānī meñ ḳhaak uḌtī hai
gumāñ huā ye samundar ke pahre-dāroñ ko
ki mauj-mauj ravānī meñ ḳhaak uḌtī hai
aTā hai dhuul se kyūñkar bahār kā chehra
sunā thā ahd-e-ḳhizānī meñ ḳhaak uḌtī hai
badan ke manzar-e-avval meñ phuul khilte haiñ
badan ke manzar-e-sānī meñ ḳhaak uḌtī hai
tamam lafz-o-ma’ani mein KHak uDti hai
hamari sehr-bayani mein KHak uDti hai
hawa KHamir mein shamil hai meri KHak ke sath
to meri sari kahani mein KHak uDti hai
guman hua ye samundar ke pahre-daron ko
ki mauj-mauj rawani mein KHak uDti hai
aTa hai dhul se kyunkar bahaar ka chehra
suna tha ahd-e-KHizani mein KHak uDti hai
badan ke manzar-e-awwal mein phul khilte hain
badan ke manzar-e-sani mein KHak uDti hai
Source:
Subh Bakhair Zindagi (Pg. 99)
- Author: Ameer Imam
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.