tamam raat wo jaga kisi ke wade par

Vafa Malikpuri

tamam raat wo jaga kisi ke wade par

Vafa Malikpuri

MORE BYVafa Malikpuri

    tamām raat vo jaagā kisī ke va.ade par

    vafā ko aa ga.ī niiñd raat Dhalne par

    jo sab dost thā har anjuman raunaq thā

    kal us laash milī us ke ghar ke malbe par

    vo zauq-e-fan ho ki shāḳh-e-chaman ki ḳhāk-e-vatan

    har ik haq hai mire ḳhuuñ ke qatre qatre par

    haqīqateñ nazar aa.eñ to kis tarah un ko

    ta.assubāt ainak hai jin ke chehre par

    chaman meñ yuuñ to the kuchh aur āshiyāñ lekin

    girī jo barq to mere āshiyāne par

    karam mujhī pe thā sab bāġhbān-o-gulchīñ

    kisī ne qaid kiyā aur kisī ne noche par

    ye dasht-e-huzn hai karb-o-balā sahrā hai

    chalegā kaun yahāñ ab 'vafā' ke raste par

    tamam raat wo jaga kisi ke wade par

    wafa ko aa hi gai nind raat Dhalne par

    jo sab ka dost tha har anjuman ki raunaq tha

    kal us ki lash mili us ke ghar ke malbe par

    wo zauq-e-fan ho ki shaKH-e-chaman ki KHak-e-watan

    har ek ka haq hai mere KHun ke qatre qatre par

    haqiqaten nazar aaen to kis tarah un ko

    tassubaat ki ainak hai jin ke chehre par

    chaman mein yun to the kuchh aur aashiyan lekin

    giri jo barq to mere hi aashiyane par

    karam mujhi pe tha sab baghban-o-gulchin ka

    kisi ne qaid kiya aur kisi ne noche par

    ye dasht-e-huzn hai karb-o-bala ka sahra hai

    chalega kaun yahan ab 'wafa' ke raste par

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY