تمام عمر کا حاصل ہے بے بصر ہونا

تمام عمر کا حاصل ہے بے بصر ہونا

زیادہ اس سے بھی مشکل ہے باخبر ہونا

اگر ہوا کہیں بے فیض موسموں کا نزول

ہرے درختوں کا ممکن ہے بے ثمر ہونا

غموں کی دھوپ سے بچنا محال ہے لیکن

بہت ضروری ہے چھوٹا سا ایک گھر ہونا

خود اپنے گھر میں ضرورت کی شے ہوں کیا کم ہے

نہیں پسند مجھے بھی ادھر ادھر ہونا

تمہارا رکھنا ہتھیلی چراغ کی لو پر

مرا اندھیرے میں رہ کر بھی معتبر ہونا

ہے سینگ عافیت شہر کو اٹھائے ہوئے

عجب ہے چھوٹے سے خدشے کا جانور ہونا