tamasha KHatm ho jaane ke thoDa baad aate ho

tamāshā ḳhatm ho jaane ke thoḌā baa'd aate ho

tabhī har bazm se tum bārhā nāshād aate ho

jahāñ par shaad rahnā hai vahāñ ġhamgīn rahte ho

jahāñ ġhamgīn honā hai vahāñ se shaad aate ho

kabhī tum mauj-e-dariyā kī tarah sairāb dikhte ho

kabhī tum ḳhushk hoñThoñ par liye fariyād aate ho

tumhāre hijr ke maare hue ġhamgīn to hoñge

tum apne hijr ke maare huoñ ko yaad aate ho

bahut din tak bhaTaktā huuñ akelā hī ḳhalāoñ meñ

magar phir tum achānak bar-sar-e-rūdād aate ho

haqīqat meñ mire ġham meñ izāfa kar ke jaate ho

bazāhir chārāgar tum bā'is-e-imdād aate ho

ye dīgar baat hai hañs kar nazar-andāz karte haiñ

hameñ tum yaad to aksar dil-e-barbād aate ho

tamasha KHatm ho jaane ke thoDa ba'd aate ho

tabhi har bazm se tum barha nashad aate ho

jahan par shad rahna hai wahan ghamgin rahte ho

jahan ghamgin hona hai wahan se shad aate ho

kabhi tum mauj-e-dariya ki tarah sairab dikhte ho

kabhi tum KHushk honThon par liye fariyaad aate ho

tumhaare hijr ke mare hue ghamgin to honge

tum apne hijr ke mare huon ko yaad aate ho

bahut din tak bhaTakta hun akela hi KHalaon mein

magar phir tum achanak bar-sar-e-rudad aate ho

haqiqat mein mere gham mein izafa kar ke jate ho

bazahir chaaragar tum ba'is-e-imdad aate ho

ye digar baat hai hans kar nazar-andaz karte hain

hamein tum yaad to aksar dil-e-barbaad aate ho