tamannaon ko zinda aarzuon ko jawan kar lun

Akhtar Shirani

tamannaon ko zinda aarzuon ko jawan kar lun

Akhtar Shirani

MORE BYAkhtar Shirani

    tamannāoñ ko zinda ārzūoñ ko javāñ kar luuñ

    ye sharmīlī nazar kah de to kuchh gustāḳhiyāñ kar luuñ

    bahār aa.ī hai bulbul dard-e-dil kahtī hai phūloñ se

    kaho to maiñ bhī apnā dard-e-dil tum se bayāñ kar luuñ

    hazāroñ shoḳh armāñ le rahe haiñ chuTkiyāñ dil meñ

    hayā un ijāzat de to kuchh bebākīyāñ kar luuñ

    koī sūrat to ho duniyā-e-fānī meñ bahalne

    Thahar ai javānī mātam-e-umr-e-ravāñ kar luuñ

    chaman meñ haiñ baham parvāna o sham.a o gul o bulbul

    ijāzat ho to maiñ bhī hāl-e-dil apnā bayāñ kar luuñ

    kise mālūm kab kis vaqt kis par gir paḌe bijlī

    abhī se maiñ chaman meñ chal kar ābād āshiyāñ kar luuñ

    bar aa.eñ hasrateñ kyā kyā agar maut itnī fursat de

    ki ik baar aur zinda sheva-e-ishq-e-javāñ kar luuñ

    mujhe donoñ jahāñ meñ ek vo mil jaa.eñ gar 'aḳhtar'

    to apnī hasratoñ ko be-niyāz-e-do-jahāñ kar luuñ

    tamannaon ko zinda aarzuon ko jawan kar lun

    ye sharmili nazar kah de to kuchh gustaKHiyan kar lun

    bahaar aai hai bulbul dard-e-dil kahti hai phulon se

    kaho to main bhi apna dard-e-dil tum se bayan kar lun

    hazaron shoKH arman le rahe hain chuTkiyan dil mein

    haya un ki ijazat de to kuchh bebakiyan kar lun

    koi surat to ho duniya-e-fani mein bahalne ki

    Thahar ja ai jawani matam-e-umr-e-rawan kar lun

    chaman mein hain baham parwana o shama o gul o bulbul

    ijazat ho to main bhi haal-e-dil apna bayan kar lun

    kise malum kab kis waqt kis par gir paDe bijli

    abhi se main chaman mein chal kar aabaad aashiyan kar lun

    bar aaen hasraten kya kya agar maut itni fursat de

    ki ek bar aur zinda shewa-e-ishq-e-jawan kar lun

    mujhe donon jahan mein ek wo mil jaen gar 'aKHtar'

    to apni hasraton ko be-niyaz-e-do-jahan kar lun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY