tan-e-tanha muqabil ho raha hun main hazaron se

Kaif Bhopali

tan-e-tanha muqabil ho raha hun main hazaron se

Kaif Bhopali

MORE BYKaif Bhopali

    tan-e-tanhā muqābil ho rahā huuñ maiñ hazāroñ se

    hasīnoñ se raqīboñ se ġhamoñ se ġham-gusāroñ se

    unheñ maiñ chhīn kar laayā huuñ kitne dāvedāroñ se

    shafaq se chāñdnī rātoñ se phūloñ se sitāroñ se

    sune koī to ab bhī raushnī āvāz detī hai

    pahāḌoñ se guphāoñ se bayābānoñ se ġhāroñ se

    hamāre dāġh-e-dil zaḳhm-e-jigar kuchh milte-julte haiñ

    guloñ se gul-ruḳhoñ se mah-vashoñ se māh-pāroñ se

    kabhī hotā nahīñ mahsūs vo yuuñ qatl karte haiñ

    nigāhoñ se kanakhiyoñ se adāoñ se ishāroñ se

    hamesha ek pyāsī ruuh āvāz aatī hai

    kuoñ se panghaToñ se naddiyoñ se ābshāroñ se

    na aa.e par na aa.e vo unheñ kyā kyā ḳhabar bhejī

    lifāfoñ se ḳhatoñ se dukh bhare parchoñ se tāroñ se

    zamāne meñ kabhī bhī qismateñ badlā nahīñ kartīñ

    umīdoñ se bharosoñ se dilāsoñ se sahāroñ se

    vo din bhī haa.e kyā din the jab apnā bhī ta.alluq thā

    dashahre se divālī se basantoñ se bahāroñ se

    kabhī patthar ke dil ai 'kaif' pighle haiñ na pighleñge

    munājātoñ se fariyādoñ se chīḳhoñ se pukāroñ se

    tan-e-tanha muqabil ho raha hun main hazaron se

    hasinon se raqibon se ghamon se gham-gusaron se

    unhen main chhin kar laya hun kitne dawedaron se

    shafaq se chandni raaton se phulon se sitaron se

    sune koi to ab bhi raushni aawaz deti hai

    pahaDon se guphaon se bayabanon se ghaaron se

    hamare dagh-e-dil zaKHm-e-jigar kuchh milte-julte hain

    gulon se gul-ruKHon se mah-washon se mah-paron se

    kabhi hota nahin mahsus wo yun qatl karte hain

    nigahon se kanakhiyon se adaon se ishaaron se

    hamesha ek pyasi ruh ki aawaz aati hai

    kuon se panghaTon se naddiyon se aabshaaron se

    na aae par na aae wo unhen kya kya KHabar bheji

    lifafon se KHaton se dukh bhare parchon se taron se

    zamane mein kabhi bhi qismaten badla nahin kartin

    umidon se bharoson se dilason se sahaaron se

    wo din bhi hae kya din the jab apna bhi talluq tha

    dashahre se diwali se basanton se bahaaron se

    kabhi patthar ke dil ai 'kaif' pighle hain na pighlenge

    munajaton se fariyaadon se chiKHon se pukaron se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY