tang aa gae hain kya karen is zindagi se hum

Bismil Azimabadi

tang aa gae hain kya karen is zindagi se hum

Bismil Azimabadi

MORE BYBismil Azimabadi

    tañg aa ga.e haiñ kyā kareñ is zindagī se ham

    ghabrā ke pūchhte haiñ akele meñ se ham

    majbūriyoñ ko apnī kaheñ kyā kisī se ham

    laa.e ga.e haiñ, aa.e nahīñ haiñ ḳhushī se ham

    kam-baḳht dil maan ga.e, baiThnā paḌā

    yuuñ to hazār baar uThe us galī se ham

    yārab! burā bhī ho dil-e-ḳhāna-ḳharāb

    sharmā rahe haiñ is badaulat kisī se ham

    din pahāḌ hai shab-e-ġham kyā ho kyā na ho

    ghabrā rahe haiñ aaj sar-e-shām se ham

    dekhā na tum ne aañkh uThā kar bhī ek baar

    guzre hazār baar tumhārī galī se ham

    matlab yahī nahīñ dil-e-ḳhāna-ḳharāb

    kahne meñ us ke aa.eñ guzar jaa.eñ se ham

    chheḌā adū ne ruuTh ga.e saarī bazm se

    bole ki ab na baat kareñge kisī se ham

    tum sun ke kyā karoge kahānī ġharīb

    jo sab sun rahā hai kaheñge usī se ham

    mahfil meñ us ne ġhair ko pahlū meñ jagah

    guzrī jo dil pe kyā kaheñ 'bismil' kisī se ham

    tang aa gae hain kya karen is zindagi se hum

    ghabra ke puchhte hain akele mein ji se hum

    majburiyon ko apni kahen kya kisi se hum

    lae gae hain, aae nahin hain KHushi se hum

    kam-baKHt dil ki man gae, baiThna paDa

    yun to hazar bar uThe us gali se hum

    yarab! bura bhi ho dil-e-KHana-KHarab ka

    sharma rahe hain is ki badaulat kisi se hum

    din hi pahaD hai shab-e-gham kya ho kya na ho

    ghabra rahe hain aaj sar-e-sham hi se hum

    dekha na tum ne aankh uTha kar bhi ek bar

    guzre hazar bar tumhaari gali se hum

    matlab yahi nahin dil-e-KHana-KHarab ka

    kahne mein us ke aaen guzar jaen ji se hum

    chheDa adu ne ruTh gae sari bazm se

    bole ki ab na baat karenge kisi se hum

    tum sun ke kya karoge kahani gharib ki

    jo sab ki sun raha hai kahenge usi se hum

    mahfil mein us ne ghair ko pahlu mein di jagah

    guzri jo dil pe kya kahen 'bismil' kisi se hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY