tanhai ka gham ruh ke andar se nikalun

tanhā.ī kā ġham ruuh ke andar se nikālūñ

āvāz koī de to qadam ghar se nikālūñ

duniyā use pūjegī ba-sad husn-e-aqīdat

maiñ apnī shabāhat ko jo patthar se nikālūñ

kho jā.ūñ kahīñ tīra-ḳhalāoñ meñ to kyā ho

ḳhud ko jo tire dard ke mehvar se nikālūñ

jo dost nazar aate haiñ ban jā.eñge dushman

kyā muñh se na sach baat bhī is Dar se nikālūñ

hassās ho duniyā to jo nashtar se hai maḳhsūs

vo kaam bhī maiñ barg-e-gul-e-tar se nikālūñ

dushvār sahī phir bhī koī sulh kā pahlū

hālāt ke bigḌe hue tevar se nikālūñ

sadiyoñ se lagī pyaas ko 'māhir' jo bujhā de

vo jur.a-e-zahrāb samundar se nikālūñ

tanhai ka gham ruh ke andar se nikalun

aawaz koi de to qadam ghar se nikalun

duniya use pujegi ba-sad husn-e-aqidat

main apni shabahat ko jo patthar se nikalun

kho jaun kahin tira-KHalaon mein to kya ho

KHud ko jo tere dard ke mehwar se nikalun

jo dost nazar aate hain ban jaenge dushman

kya munh se na sach baat bhi is Dar se nikalun

hassas ho duniya to jo nashtar se hai maKHsus

wo kaam bhi main barg-e-gul-e-tar se nikalun

dushwar sahi phir bhi koi sulh ka pahlu

haalat ke bigDe hue tewar se nikalun

sadiyon se lagi pyas ko 'mahir' jo bujha de

wo jura-e-zahrab samundar se nikalun