tanhai ka ilaj ye mahnga bahut paDa

tanhā.ī kā ilaaj ye mahñgā bahut paḌā

uktā ke maiñ ne news kā channel lagāyā thā

bas ye ki vaj.h-e-tark-e-ta.alluq hī kuchh rahe

us ne zarā sī baat pe jhagḌā khaḌā kiyā

bigḌail ho chale the ka.ī din se mere ḳhvāb

sach kī chhaḌī se shaam unheñ sīdhā kar diyā

kholā thā raat maazī kā ek album ki uf

yādoñ kā mere zehn meñ tāntā bañdhā rahā

vo baar baar pūchh rahā thā vahī savāl

majbūr ho ke jhuuT mujhe bolnā paḌā

dariyā ne mere paañv akhāḌe shurūa meñ

jab maiñ DaTā rahā to vo kamzor paḌ gayā

tanhā.ī kā tumhārī thā mumkin yahī ilaaj

ghar ke har ek kone ko chīzoñ se bhar diyā

tanhai ka ilaj ye mahnga bahut paDa

ukta ke main ne news ka channel lagaya tha

bas ye ki wajh-e-tark-e-talluq hi kuchh rahe

us ne zara si baat pe jhagDa khaDa kiya

bigDail ho chale the kai din se mere KHwab

sach ki chhaDi se sham unhen sidha kar diya

khola tha raat mazi ka ek album ki uf

yaadon ka mere zehn mein tanta bandha raha

wo bar bar puchh raha tha wahi sawal

majbur ho ke jhuT mujhe bolna paDa

dariya ne mere panw akhaDe shurua mein

jab main DaTa raha to wo kamzor paD gaya

tanhai ka tumhaari tha mumkin yahi ilaj

ghar ke har ek kone ko chizon se bhar diya