taraf-dari nahin karte kabhi hum un makanon ki

taraf-dārī nahīñ karte kabhī ham un makānoñ kī

chhateñ jin kī himāyat chāhtī hoñ āsmānoñ kī

ye colony hai yā bāzār hai be-rozgāroñ kā

jidhar dekho qatāreñ hī qatāreñ haiñ dukānoñ kī

murādābād meñ kārīgarī Dhotā huā bachpan

liye phirtā hai sāñsoñ meñ siyāhī kār-ḳhānoñ kī

ugā hai phir nayā sūraj dishā.eñ ho ga.iiñ raushan

parindo tum bhī ab tayyāriyāñ kar lo uḌānoñ kī

tū jis insāf kī devī ke aage giḌgiḌātā hai

vo tujh ko nyaay kyā degī na āñkhoñ kī na kānoñ kī

tum us ko bevafā ai 'nāz' sābit kar na pāoge

baḌī lambī sī ik fehrist hai us par bahānoñ kī

taraf-dari nahin karte kabhi hum un makanon ki

chhaten jin ki himayat chahti hon aasmanon ki

ye colony hai ya bazar hai be-rozgaron ka

jidhar dekho qataren hi qataren hain dukanon ki

muradabaad mein karigari Dhota hua bachpan

liye phirta hai sanson mein siyahi kar-KHanon ki

uga hai phir naya suraj dishaen ho gain raushan

parindo tum bhi ab tayyariyan kar lo uDanon ki

tu jis insaf ki dewi ke aage giDgiData hai

wo tujh ko nyay kya degi na aankhon ki na kanon ki

tum us ko bewafa ai 'naz' sabit kar na paoge

baDi lambi si ek fehrist hai us par bahanon ki