tark-e-sauda ho aagahi ke liye

tark-e-saudā ho āgahī ke liye

kitnā dushvār hai ye jī ke liye

zindagī ke ujāḌ-ḳhāne meñ

ḳhvāb rakkhe haiñ dilkashī ke liye

hoñT māmūr haiñ tabassum par

ek vahshat-zada ḳhushī ke liye

kis ne maqtal meñ bar-sar-e-neza

maut se kaam zindagī ke liye

saare 'ālam kī ne'mateñ maulā

ek be-lāg aadmī ke liye

ek dastār ban ga.ī phāñsī

ek kumbe kī lāDlī ke liye

aaj qurbān kī ga.iiñ ḳhushiyāñ

ġham kī tashrīf-āvrī ke liye

rabt rakhiye ḳharāb-hāloñ se

apnī ḳhush-hāl zindagī ke liye

kaun kis moḌ par bichhaḌ jaa.e

raah mat chhoḌiye kisī ke liye

ādmiyyat ke shar se bachne kī

koī tadbīr aadmī ke liye

tark-e-sauda ho aagahi ke liye

kitna dushwar hai ye ji ke liye

zindagi ke ujaD-KHane mein

KHwab rakkhe hain dilkashi ke liye

honT mamur hain tabassum par

ek wahshat-zada KHushi ke liye

kis ne maqtal mein bar-sar-e-neza

maut se kaam zindagi ke liye

sare 'alam ki ne'maten maula

ek be-lag aadmi ke liye

ek dastar ban gai phansi

ek kumbe ki laDli ke liye

aaj qurban ki gain KHushiyan

gham ki tashrif-awri ke liye

rabt rakhiye KHarab-haalon se

apni KHush-haal zindagi ke liye

kaun kis moD par bichhaD jae

rah mat chhoDiye kisi ke liye

aadmiyyat ke shar se bachne ki

koi tadbir aadmi ke liye