tasawwur mein tujhko liye ja rahe hain

tasavvur meñ tujh ko liye jā rahe haiñ

tirī aarzū ham kiye jā rahe haiñ

ġhamoñ kī virāsat liye jā rahe haiñ

ḳhushī kā bharam ham kiye jā rahe haiñ

vo Thukrā chuke haiñ hameñ bārhā par

ham apnī vafā.eñ diye jā rahe haiñ

kabhī ḳhud se laḌ kar kabhī vaqt se ham

'adū se ziyāda ji.e jā rahe haiñ

jo raushan the kal tak bujhe is tarah se

havā ke havāle diye jā rahe haiñ

bayāñ kis se kar deñ sukūt-e-mohabbat

usī ko sadā.eñ diye jā rahe haiñ

ai 'amjad' tumhārī ye hālat hai kaisī

ḳhudā ke bharose ji.e jā rahe haiñ

tasawwur mein tujh ko liye ja rahe hain

teri aarzu hum kiye ja rahe hain

ghamon ki wirasat liye ja rahe hain

KHushi ka bharam hum kiye ja rahe hain

wo Thukra chuke hain hamein barha par

hum apni wafaen diye ja rahe hain

kabhi KHud se laD kar kabhi waqt se hum

'adu se ziyaada jie ja rahe hain

jo raushan the kal tak bujhe is tarah se

hawa ke hawale diye ja rahe hain

bayan kis se kar den sukut-e-mohabbat

usi ko sadaen diye ja rahe hain

ai 'amjad' tumhaari ye haalat hai kaisi

KHuda ke bharose jie ja rahe hain