taswir ke KHutut wo shahkar bolte

tasvīr ke ḳhutūt vo shahkār bolte

sab naqsh-hā-e-san.at-e-me.amār bolte haiñ

ham shīsh ghar meñ apnā sarāpā na paḌh sake

hasrat rahī ki aa.ine ik baar bolte

tanhā.ī ko milā hai vo e.ajāz-e-dard hai

zindāñ ke dekhiye dar-o-dīvār bolte

kyā kyā na ghar jamāl ke ābād the yahāñ

kis dukh se shahr-e-vīrāñ ke āsār bolte

har baat meñ uThātā thā vo nuqta-e-gumāñ

ham kyā the koī mahram-e-asrār bolte

chup kartī terī be-dilī kyā 'azm' nāloñ ko

rahte jo ham ḳhamosh to ash.ār bolte

taswir ke KHutut wo shahkar bolte

sab naqsh-ha-e-sanat-e-meamar bolte hain

hum shish ghar mein apna sarapa na paDh sake

hasrat rahi ki aaine ek bar bolte

tanhai ko mila hai wo eajaz-e-dard hai

zindan ke dekhiye dar-o-diwar bolte

kya kya na ghar jamal ke aabaad the yahan

kis dukh se shahr-e-viran ke aasar bolte

har baat mein uThata tha wo nuqta-e-guman

hum kya the koi mahram-e-asrar bolte

chup karti teri be-dili kya 'azm' nalon ko

rahte jo hum KHamosh to ashaar bolte