tera bhala ho tu jo samajhta hai mujhko ghair

terā bhalā ho tū jo samajhtā hai mujh ko ġhair

āñkhoñ pe āñkheñ rakh to ki kar luuñ maiñ apnī sair

ḳhud par hamāre jism kī chādar hī Daal le

bach aap apnī dhuup se tere badan kī ḳhair

ka.abe ke saare but mire siine meñ aa base

is āshiqī meñ saarā haram ho gayā hai dair

jiinā tire baġhair nahīñ aa sakā abhī

marnā to maiñ ne siikh liyā hai tire baġhair

tab dāḳhila milegā tujhe dasht-e-husn meñ

jab ahl-e-shahr kahne lageñ tujh ko ġhair ġhair

'ehsās-jī' ke halqa-e-ġhurbat meñ aa raho

karnī agar ho apne haqīqī vatan kī sair

tera bhala ho tu jo samajhta hai mujh ko ghair

aankhon pe aankhen rakh to ki kar lun main apni sair

KHud par hamare jism ki chadar hi Dal le

bach aap apni dhup se tere badan ki KHair

kabe ke sare but mere sine mein aa base

is aashiqi mein sara haram ho gaya hai dair

jina tere baghair nahin aa saka abhi

marna to main ne sikh liya hai tere baghair

tab daKHila milega tujhe dasht-e-husn mein

jab ahl-e-shahr kahne lagen tujh ko ghair ghair

'ehsas-ji' ke halqa-e-ghurbat mein aa raho

karni agar ho apne haqiqi watan ki sair