تیرا چھونا ترا نہ کر دے مجھے

تیرا چھونا ترا نہ کر دے مجھے

شہر کا مدعا نہ کر دے مجھے

بات کرتے رہا کرو مجھ سے

خامشی باؤلا نہ کر دے مجھے

مجھ کو اتنے بھی پیار سے نہ دیکھ

یہ نظر آشنا نہ کر دے مجھے

کوئی پہلے بھی پیار تھا تیرا

یہ ادا دوسرا نہ کر دے مجھے

اس کو اس ڈر سے بھی سدا نہیں دی

وہ کہیں ان سنا نہ کر دے مجھے

میری خواہش ہے اس کے ساتھ رہوں

میری قسمت جدا نہ کر دے مجھے

اس کو پانے کی چاہ بھی ساگرؔ

ایک دن مبتلا نہ کر دے مجھے