tera ho kar koi kab tere siwa hota hai
terā ho kar koī kab tere sivā hotā hai
tū jo hotā hai judā kis se judā hotā hai
hālat-e-hāl chhupā.ī nahīñ jaatī us se
jab koī shaḳhs tujhe soch rahā hotā hai
kar rahā hotā huuñ maiñ us se mohabbat lekin
dil use pā ke kahīñ kho bhī chukā hotā hai
kis talab se tirī āñkhoñ kī taraf dekhtā huuñ
jab tire ġham kā nasha Tuut rahā hotā hai
yuuñ tire shahr meñ ghabrāyā huā phirtā huuñ
jis tarah pahle pahal 'ishq huā hotā hai
maiñ dilātā huuñ yaqīñ aur kisī ko lekin
dil kisī aur ke qadmoñ meñ paḌā hotā hai
tera ho kar koi kab tere siwa hota hai
tu jo hota hai juda kis se juda hota hai
haalat-e-haal chhupai nahin jati us se
jab koi shaKHs tujhe soch raha hota hai
kar raha hota hun main us se mohabbat lekin
dil use pa ke kahin kho bhi chuka hota hai
kis talab se teri aankhon ki taraf dekhta hun
jab tere gham ka nasha Tut raha hota hai
yun tere shahr mein ghabraya hua phirta hun
jis tarah pahle pahal 'ishq hua hota hai
main dilata hun yaqin aur kisi ko lekin
dil kisi aur ke qadmon mein paDa hota hai
- Book : Agar Main Sher Na Kahta (Pg. 94)
- Author : Abbas Tabish
- Publication : Rekhta Publications (2022)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
