tere lahje mein ye jo shiddat hai

tere lahje meñ ye jo shiddat hai

ye koī an-kahī shikāyat hai

hijr ke dukh pe yaar hairat kyā

mustaqil vasl bhī aziyyat hai

tujh ko ab bhūlne lagā huuñ maiñ

ye shikāyat nahīñ hai tohmat hai

ḳhushbuoñ se banā.eñge tum ko

rañg se to baḌī suhūlat hai

dekhā jaa.e to mar chuke haiñ ham

saañs lenā to bas zarūrat hai

tū mirā hai to mere dard samajh

muskurānā to merī aadat hai

kyā kiyā dard kī davā le lī

mere bīmār tujh pe la.anat hai

maiñ bas us vaqt apne paas rahā

jab lagā aap kī zarūrat hai

tere lab haa.e tere shīrīñ lab

bosa le luuñ agar ijāzat hai

tere lahje mein ye jo shiddat hai

ye koi an-kahi shikayat hai

hijr ke dukh pe yar hairat kya

mustaqil wasl bhi aziyyat hai

tujh ko ab bhulne laga hun main

ye shikayat nahin hai tohmat hai

KHushbuon se banaenge tum ko

rang se to baDi suhulat hai

dekha jae to mar chuke hain hum

sans lena to bas zarurat hai

tu mera hai to mere dard samajh

muskurana to meri aadat hai

kya kiya dard ki dawa le li

mere bimar tujh pe lanat hai

main bas us waqt apne pas raha

jab laga aap ki zarurat hai

tere lab hae tere shirin lab

bosa le lun agar ijazat hai