tere pas hun par tujhse aman ka Dar hai

tere paas huuñ par tujh se amaan kā Dar hai

ishq ho rahā hai ab ya.anī jaan kā Dar hai

ḳhāmushī bhī dil meñ kuchh is tarah se hai qaa.em

maano lafzoñ ko mere ab zabān kā Dar hai

ab yahāñ qayāmat kā to nahīñ hai koī Dar

par jahān ko to ḳhud is jahān kā Dar hai

Dar to har kisī ko lagtā hai jañg se ya.anī

Dar vahī hai tīroñ kā jo kamān kā Dar hai

sādgī se Dhak bhī lūñgā maiñ ḳhāmiyāñ apnī

sādgī ko bhī merī par gumān kā Dar hai

tere pas hun par tujh se aman ka Dar hai

ishq ho raha hai ab yani jaan ka Dar hai

KHamushi bhi dil mein kuchh is tarah se hai qaem

mano lafzon ko mere ab zaban ka Dar hai

ab yahan qayamat ka to nahin hai koi Dar

par jahan ko to KHud is jahan ka Dar hai

Dar to har kisi ko lagta hai jang se yani

Dar wahi hai tiron ka jo kaman ka Dar hai

sadgi se Dhak bhi lunga main KHamiyan apni

sadgi ko bhi meri par guman ka Dar hai