tere qadmon ki aahaT ko tarsa hun

Azad Gulati

tere qadmon ki aahaT ko tarsa hun

Azad Gulati

MORE BYAzad Gulati

    tere qadmoñ aahaT ko tarsā huuñ

    maiñ bhī terā bhūlā huā ik rastā huuñ

    biite lamhoñ ke jhoñke jab aate haiñ

    pal do pal ko maiñ phir se khil uThtā huuñ

    mujh se muzhda na.ī rutoñ pāoge

    yaaro maiñ is peḌ antim pattā huuñ

    shāyad tum bhī ab na mujhe pahchān sako

    ab maiñ ḳhud ko apne jaisā lagtā huuñ

    aaj ke kaale saa.e kal tak phaileñge

    mere bachcho maiñ is baat se Dartā huuñ

    tum bhī kaise DhūñD sakoge ab mujh ko

    maiñ ḳhud apne-āp se ojhal rahtā huuñ

    sāyoñ ḳhvāhish ne mujhe jalāyā hai

    ab maiñ in ke naam se tapne lagtā huuñ

    mujh se mil kar kis ko yaqīn ab aa.egā

    maiñ bhī terā TuuTā huā ik rishta huuñ

    tere qadmon ki aahaT ko tarsa hun

    main bhi tera bhula hua ek rasta hun

    bite lamhon ke jhonke jab aate hain

    pal do pal ko main phir se khil uThta hun

    mujh se muzhda nai ruton ka paoge

    yaro main is peD ka antim patta hun

    shayad tum bhi ab na mujhe pahchan sako

    ab main KHud ko apne jaisa lagta hun

    aaj ke kale sae kal tak phailenge

    mere bachcho main is baat se Darta hun

    tum bhi kaise DhunD sakoge ab mujh ko

    main KHud apne-ap se ojhal rahta hun

    sayon ki KHwahish ne mujhe jalaya hai

    ab main in ke nam se tapne lagta hun

    mujh se mil kar kis ko yaqin ab aaega

    main bhi tera TuTa hua ek rishta hun

    Source :
    • Book : Aab-e-Sharab (Pg. 83)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY