tere qarib aa ke baDi uljhanon mein hun

Ahmad Faraz

tere qarib aa ke baDi uljhanon mein hun

Ahmad Faraz

MORE BY Ahmad Faraz

    tere qarīb aa ke baḌī uljhanoñ meñ huuñ

    maiñ dushmanoñ meñ huuñ ki tire dostoñ meñ huuñ

    mujh se gurez-pā hai to har rāsta badal

    maiñ sañg-e-rāh huuñ to sabhī rāstoñ meñ huuñ

    aa chukā hai sat.h pe kab se ḳhabar nahīñ

    bedard maiñ abhī unhīñ gahrā.iyoñ meñ huuñ

    ai yār-e-ḳhush-dayār tujhe kyā ḳhabar ki maiñ

    kab se udāsiyoñ ke ghane jañgaloñ meñ huuñ

    luuT kar bhī ahl-e-tamannā ko ḳhush nahīñ

    yaañ luT ke bhī vafā ke inhī qāfiloñ meñ huuñ

    badlā na mere baad bhī mauzū-e-guftugū

    maiñ chukā huuñ phir bhī tirī mahfiloñ meñ huuñ

    mujh se bichhaḌ ke bhī to ro.egā umr bhar

    ye soch le ki maiñ bhī tirī ḳhvāhishoñ meñ huuñ

    hañs rahā hai mujh pe mirā haal dekh kar

    aur phir bhī maiñ sharīk tire qahqahoñ meñ huuñ

    ḳhud misāl-e-lāla-e-sahrā lahū lahū

    aur ḳhud 'farāz' apne tamāshā.iyoñ meñ huuñ

    tere qarib aa ke baDi uljhanon mein hun

    main dushmanon mein hun ki tere doston mein hun

    mujh se gurez-pa hai to har rasta badal

    main sang-e-rah hun to sabhi raston mein hun

    tu aa chuka hai sath pe kab se KHabar nahin

    bedard main abhi unhin gahraiyon mein hun

    ai yar-e-KHush-dayar tujhe kya KHabar ki main

    kab se udasiyon ke ghane jangalon mein hun

    tu luT kar bhi ahl-e-tamanna ko KHush nahin

    yan luT ke bhi wafa ke inhi qafilon mein hun

    badla na mere baad bhi mauzu-e-guftugu

    main ja chuka hun phir bhi teri mahfilon mein hun

    mujh se bichhaD ke tu bhi to roega umr bhar

    ye soch le ki main bhi teri KHwahishon mein hun

    tu hans raha hai mujh pe mera haal dekh kar

    aur phir bhi main sharik tere qahqahon mein hun

    KHud hi misal-e-lala-e-sahra lahu lahu

    aur KHud 'faraaz' apne tamashaiyon mein hun

    Videos
    This video is playing from YouTube

    Videos
    This video is playing from YouTube

    Shakeela Khurasani

    Shakeela Khurasani

    Lata Tandon

    Lata Tandon

    RECITATIONS

    Nomaan Shauque

    Nomaan Shauque

    Nomaan Shauque

    tere qarib aa ke baDi uljhanon mein hun Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY