تیری آغوش میں نڈھال ہوں میں
تیری آغوش میں نڈھال ہوں میں
بھیگتی رات کا زوال ہوں میں
جتنا سلجھاؤ گے اور الجھو گے
وقت کا اک بڑا سوال ہوں میں
اور پچھلے پہر گلے مل لے
ڈوبتی رات کا کمال ہوں میں
اپنے اندر سمٹتا جاتا ہوں
خشک دریا کا ایک جال ہوں میں
فاصلے قرنوں کے جدائی میں
تیرا ماضی ہوں اپنا حال ہوں میں
کیا سمجھ کے ہنسا ہے تو مجھ پر
تیرے ہی آئنے کا بال ہوں میں
یہ مصورؔ بھنور میں آ کے کھلا
ڈوبنے میں بھی بے مثال ہوں میں
مأخذ :
- کتاب : Manghii dhire chal (Pg. 79)
- Author : Musavvir Sabzwari
- مطبع : Nazish Book Center (1971)
- اشاعت : 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
