teri baaton mein kho gae the hum

terī bātoñ meñ kho ga.e the ham

zindagī tere ho ga.e the ham

Tuut kar chāhne kī 'ādat meñ

Tuut kar chuur ho ga.e the ham

raat bhar ḳhvāb ek se aa.e

ek karvaT pe so ga.e the ham

dil kahāñ se milā tumheñ ham meñ

puure patthar ke ho ga.e the ham

ek ummīd chaT se TuuTī thī

zāhiran thoḌā ro ga.e the ham

rome ko dekhte rahe jalte

terī bansī meñ kho ga.e the ham

ramz kuchh bhī bachā nahīñ apnā

sab ko mā'lūm ho ga.e the ham

teri baaton mein kho gae the hum

zindagi tere ho gae the hum

Tut kar chahne ki 'adat mein

Tut kar chur ho gae the hum

raat bhar KHwab ek se aae

ek karwaT pe so gae the hum

dil kahan se mila tumhein hum mein

pure patthar ke ho gae the hum

ek ummid chaT se TuTi thi

zahiran thoDa ro gae the hum

rome ko dekhte rahe jalte

teri bansi mein kho gae the hum

ramz kuchh bhi bacha nahin apna

sab ko ma'lum ho gae the hum