teri KHwahish na jab ziyaada thi

Nabeel Ahmad Nabeel

teri KHwahish na jab ziyaada thi

Nabeel Ahmad Nabeel

MORE BYNabeel Ahmad Nabeel

    terī ḳhvāhish na jab ziyāda thī

    zindagī jaise be-libāda thī

    is liye mujh ko mil ga.ī manzil

    merī ḳhvāhish mirā irāda thī

    ek titlī jale paroñ vaalī

    bas vahī merā ḳhānvāda thī

    maiñ ne dekhā hai vo nagar bhī jahāñ

    raushnī kam nazar ziyāda thī

    chal ke ik umr mujh pe raaz khulā

    merī manzil merā jaada thī

    jis meñ rahte the sab mohabbat se

    vo havelī bhī kyā kushāda thī

    duur thā is liye mahāz se maiñ

    fauj merī ki pā-piyāda thī

    sañg thā ki rāste meñ 'nabīl'

    koī dīvār īstāda thī

    teri KHwahish na jab ziyaada thi

    zindagi jaise be-libaada thi

    is liye mujh ko mil gai manzil

    meri KHwahish mera irada thi

    ek titli jale paron wali

    bas wahi mera KHanwada thi

    main ne dekha hai wo nagar bhi jahan

    raushni kam nazar ziyaada thi

    chal ke ek umr mujh pe raaz khula

    meri manzil hi mera jada thi

    jis mein rahte the sab mohabbat se

    wo haweli bhi kya kushada thi

    dur tha is liye mahaz se main

    fauj meri ki pa-piyaada thi

    sang tha ya ki raste mein 'nabil'

    koi diwar istada thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY