تیری خواہش نہ جب زیادہ تھی
تیری خواہش نہ جب زیادہ تھی
زندگی جیسے بے لبادہ تھی
اس لیے مجھ کو مل گئی منزل
میری خواہش مرا ارادہ تھی
ایک تتلی جلے پروں والی
بس وہی میرا خانوادہ تھی
میں نے دیکھا ہے وہ نگر بھی جہاں
روشنی کم نظر زیادہ تھی
چل کے اک عمر مجھ پہ راز کھلا
میری منزل ہی میرا جادہ تھی
جس میں رہتے تھے سب محبت سے
وہ حویلی بھی کیا کشادہ تھی
دور تھا اس لیے محاذ سے میں
فوج میری کہ پا پیادہ تھی
سنگ تھا یا کہ راستے میں نبیلؔ
کوئی دیوار ایستادہ تھی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.