teri manzil ki rasta hun main

terī manzil ki rāsta huuñ maiñ

kuchh batā to sahī ki kyā huuñ maiñ

terī uljhī huī kahānī kā

ek dilchasp vāqi.a huuñ maiñ

hosh mujh ko nahīñ samajh paatā

be-ḳhudī tū batā ki kyā huuñ maiñ

tere saare uyuub jāntī huuñ

terī ḳhātir to aa.ina huuñ maiñ

jis kā rahrav abhī nahīñ pahuñchā

ek pur-pech rāsta huuñ maiñ

chand kirnoñ ke intizār meñ huuñ

sub.h-e-kāzib kā jhuTpuTā huuñ maiñ

mere andar mudām gardish hai

ab khulā hai ki dā.era huuñ maiñ

jāntī huuñ tirī riyāzat ko

terī chāhat huuñ mudda.ā huuñ maiñ

terī furqat meñ jī rahī huuñ 'farah'

yuuñ mohabbat meñ mo.ajiza huuñ maiñ

teri manzil ki rasta hun main

kuchh bata to sahi ki kya hun main

teri uljhi hui kahani ka

ek dilchasp waqia hun main

hosh mujh ko nahin samajh pata

be-KHudi tu bata ki kya hun main

tere sare uyub jaanti hun

teri KHatir to aaina hun main

jis ka rahraw abhi nahin pahuncha

ek pur-pech rasta hun main

chand kirnon ke intizar mein hun

subh-e-kazib ka jhuTpuTa hun main

mere andar mudam gardish hai

ab khula hai ki daera hun main

jaanti hun teri riyazat ko

teri chahat hun muddaa hun main

teri furqat mein ji rahi hun 'farah'

yun mohabbat mein moajiza hun main