تیری منزل کہ راستہ ہوں میں
تیری منزل کہ راستہ ہوں میں
کچھ بتا تو سہی کہ کیا ہوں میں
تیری الجھی ہوئی کہانی کا
ایک دلچسپ واقعہ ہوں میں
ہوش مجھ کو نہیں سمجھ پاتا
بے خودی تو بتا کہ کیا ہوں میں
تیرے سارے عیوب جانتی ہوں
تیری خاطر تو آئنہ ہوں میں
جس کا رہرو ابھی نہیں پہنچا
ایک پر پیچ راستہ ہوں میں
چند کرنوں کے انتظار میں ہوں
صبح کاذب کا جھٹپٹا ہوں میں
میرے اندر مدام گردش ہے
اب کھلا ہے کہ دائرہ ہوں میں
جانتی ہوں تری ریاضت کو
تیری چاہت ہوں مدعا ہوں میں
تیری فرقت میں جی رہی ہوں فرحؔ
یوں محبت میں معجزہ ہوں میں
مأخذ:
قیاس (Pg. 76)
- مصنف: سیدہ فرح شاہ
-
- ناشر: انحراف پبلیکیسشنز، لاہور
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
