تھا کوئی یا نہیں تھا جو کچھ تھا
دل کے اندر کہیں تھا جو کچھ تھا
تو بھی اپنے سے خوش گماں تھا بہت
میں بھی اپنے تئیں تھا جو کچھ تھا
شہر خوباں میں وہ وفا دشمن
خوب صورت تریں تھا جو کچھ تھا
درد مے تھی کہ تلخیٔ ہستی
جام میں تہہ نشیں تھا جو کچھ تھا
چھوڑ آئے عبث در جاناں
یار سب کچھ وہیں تھا جو کچھ تھا
عشق اکسیر تھا دلوں کے لئے
زہر تھا انگبیں تھا جو کچھ تھا
ہوش آیا تو اب کھلا ہے فرازؔ
میں تو کچھ بھی نہیں تھا جو کچھ تھا
مأخذ:
پاکستانی ادب-1994 (Pg. 113)
-
- ناشر: اکیڈمی ادبیات پاکستان، اسلام آباد
- سن اشاعت: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
