tha mera sab par bacha kuchh bhi nahin

thā mirā sab par bachā kuchh bhī nahīñ

ab mirā mujh meñ rahā kuchh bhī nahīñ

maiñ bhalā kyuuñ kahtā gar miltī ḳhushī

zindagī ġham ke sivā kuchh bhī nahīñ

umr ḳhidmat ko dī aur is ke evaz

ek hastī ne liyā kuchh bhī nahīñ

yaañ zamīr insān kā mar-khap chukā

aur kahte ho huā kuchh bhī nahīñ

us ke jaane par mujhe aisā lagā

jaise merā ab rahā kuchh bhī nahīñ

dekhiye majnūñ sī hālat ho ga.ī

aur kahte ho sahā kuchh bhī nahīñ

zindagī jī kar bhī ik insān ko

kyuuñ lage us ne jiyā kuchh bhī nahīñ

aadmī se hoge tum insān kab

vaqt hai ab bhī gayā kuchh bhī nahīñ

ḳhātir-e-duniyā nahīñ kyā kuchh kiyā

aur kahte ho kiyā kuchh bhī nahīñ

aah hasrat karte haiñ insāñ gunah

hashr kī jaise sazā kuchh bhī nahīñ

tha mera sab par bacha kuchh bhi nahin

ab mera mujh mein raha kuchh bhi nahin

main bhala kyun kahta gar milti KHushi

zindagi gham ke siwa kuchh bhi nahin

umr KHidmat ko di aur is ke ewaz

ek hasti ne liya kuchh bhi nahin

yan zamir insan ka mar-khap chuka

aur kahte ho hua kuchh bhi nahin

us ke jaane par mujhe aisa laga

jaise mera ab raha kuchh bhi nahin

dekhiye majnun si haalat ho gai

aur kahte ho saha kuchh bhi nahin

zindagi ji kar bhi ek insan ko

kyun lage us ne jiya kuchh bhi nahin

aadmi se hoge tum insan kab

waqt hai ab bhi gaya kuchh bhi nahin

KHatir-e-duniya nahin kya kuchh kiya

aur kahte ho kiya kuchh bhi nahin

aah hasrat karte hain insan gunah

hashr ki jaise saza kuchh bhi nahin