Thahar jawed ke arman dil-e-muztar nikalte hain

Rasheed lakhnavi

Thahar jawed ke arman dil-e-muztar nikalte hain

Rasheed lakhnavi

MORE BYRasheed lakhnavi

    Thahar jāved ke armāñ dil-e-muztar nikalte haiñ

    khaḌe haiñ muntazir ham ghar se vo bāhar nikalte haiñ

    asīrān-e-kuhan ma.atūb ho ho kar nikalte haiñ

    ki zindāñ se janāze uThte haiñ bistar nikalte haiñ

    nahīñ ma.alūm muñh se dil jigar kyūñkar nikalte haiñ

    ham un se pūchh leñge chhoḌ ke jo ghar nikalte haiñ

    ḳhabar letā nahīñ ġhurbat meñ koī pā-shikasta

    jahāñ ham haiñ udhar se qāfile aksar nikalte haiñ

    kabhī madfūñ hue the jis jagah par kushta-e-abrū

    abhī tak is zamīñ se saikḌoñ ḳhanjar nikalte haiñ

    har ik ma.ashūq ke daftar meñ ham maqtūl likhe haiñ

    jahāñ dekho hamāre naam ke daftar nikalte haiñ

    nahīñ hai ek harf-e-talḳh jaago mire dil meñ

    magar pūchho to shikvoñ ke abhī daftar nikalte haiñ

    javānī se takalluf baḌh gayā hai mere saaqī

    sharāb-e-kohna aa.ī hai na.e sāġhar nikalte haiñ

    hazāroñ mufside dar par bapā rahte haiñ ai qātil

    tire kūche se lākhoñ fitna-e-mahshar nikalte haiñ

    abhī fursat nahīñ ai ahl-e-mahshar sab farishtoñ ko

    Thahar jaao mire a.amāl ke daftar nikalte haiñ

    jo kar ke zabt saath ashkoñ ke haiñ aane nahīñ detā

    sadā detā hai dil pahlū se ham bāhar nikalte haiñ

    huā hai saḳht mushkil dafn honā tere vahshī

    jahāñ par qabr khodī jaatī hai patthar nikalte haiñ

    bahār aa.ī mubārak āshiq-o-māshūq ko milnā

    ki kaliyāñ phūTtī haiñ bulbuloñ ke par nikalte haiñ

    sivā qalb-o-jigar ke mumlikat meñ ishq kyā hai

    agar DhūñDho to ye ujḌe hue do ghar nikalte haiñ

    nazar ke ḳhauf se katrī ga.iiñ haiñ in vaañ palkeñ

    mirī rag rag se yaañ TuuTe hue nashtar nikalte haiñ

    samajh ke jin ko jugnū bāñdhte ho apne dāman meñ

    sharar ye shab ko mere dil se ai dilbar nikalte haiñ

    nishāñ qalb-o-jigar āñsuoñ se saaf kyā pā.ūñ

    ki vo to kashtiyāñ Duubī haiñ sau lañgar nikalte haiñ

    kashīda un ke abrū haiñ nigāheñ tez hotī haiñ

    kamāneñ khiñch rahī haiñ miyān se ḳhanjar nikalte haiñ

    jigar dil aate haiñ āñkhoñ se bāhar jam.a haiñ aañsū

    ki apne mulk se sultāñ ma-e-lashkar nikalte haiñ

    ḳhayāl itnā to hai tere gale haar huuñ shāyad

    gul-e-tar baaġh se hañste hue bāhar nikalte haiñ

    jahannam se koī kah de zarā hoshiyār ho jaa.e

    ġhazab vaqt hai qabroñ se dāman tar nikalte haiñ

    tavaqqo uTh ga.ī aane bilkul yuuñ uThāyā hai

    ki aaj un galī se ham ma-e-bistar nikalte haiñ

    karūñ kyūñkar na tāzīm us maiñ laa.e jo ḳhat us

    ki aksar is tarah ke log paiġhambar nikalte haiñ

    qafas meñ ham-safīrān-e-chaman kyuuñ chhoḌe jaate ho

    zarā do din Thahar jaao hamāre par nikalte haiñ

    jigar-dārī da.avā miT gayā har shaḳhs kahtā hai

    jo donoñ haath ham rakkhe hue dil par nikalte haiñ

    'rashīd' āġhāz-e-ulfat se kahīñ anjām behtar hai

    ki bahr-e-ishq ke Duube lab-e-kausar nikalte haiñ

    Thahar jawed ke arman dil-e-muztar nikalte hain

    khaDe hain muntazir hum ghar se wo bahar nikalte hain

    asiran-e-kuhan matub ho ho kar nikalte hain

    ki zindan se janaze uThte hain bistar nikalte hain

    nahin malum munh se dil jigar kyunkar nikalte hain

    hum un se puchh lenge chhoD ke jo ghar nikalte hain

    KHabar leta nahin ghurbat mein koi pa-shikasta ki

    jahan hum hain udhar se qafile aksar nikalte hain

    kabhi madfun hue the jis jagah par kushta-e-abru

    abhi tak is zamin se saikDon KHanjar nikalte hain

    har ek mashuq ke daftar mein hum maqtul likhe hain

    jahan dekho hamare nam ke daftar nikalte hain

    nahin hai ek harf-e-talKH ki jago mere dil mein

    magar puchho to shikwon ke abhi daftar nikalte hain

    jawani se takalluf baDh gaya hai mere saqi ka

    sharab-e-kohna aai hai nae saghar nikalte hain

    hazaron mufside dar par bapa rahte hain ai qatil

    tere kuche se lakhon fitna-e-mahshar nikalte hain

    abhi fursat nahin ai ahl-e-mahshar sab farishton ko

    Thahar jao mere aamal ke daftar nikalte hain

    jo kar ke zabt sath ashkon ke hain aane nahin deta

    sada deta hai dil pahlu se hum bahar nikalte hain

    hua hai saKHt mushkil dafn hona tere wahshi ka

    jahan par qabr khodi jati hai patthar nikalte hain

    bahaar aai mubarak aashiq-o-mashuq ko milna

    ki kaliyan phuTti hain bulbulon ke par nikalte hain

    siwa qalb-o-jigar ke mumlikat mein ishq ki kya hai

    agar DhunDho to ye ujDe hue do ghar nikalte hain

    nazar ke KHauf se katri gain hain in ki wan palken

    meri rag rag se yan TuTe hue nashtar nikalte hain

    samajh ke jin ko jugnu bandhte ho apne daman mein

    sharar ye shab ko mere dil se ai dilbar nikalte hain

    nishan qalb-o-jigar ka aansuon se saf kya paun

    ki wo to kashtiyan Dubi hain sau langar nikalte hain

    kashida un ke abru hain nigahen tez hoti hain

    kamanen khinch rahi hain miyan se KHanjar nikalte hain

    jigar dil aate hain aankhon se bahar jama hain aansu

    ki apne mulk se sultan ma-e-lashkar nikalte hain

    KHayal itna to hai tere gale ka haar hun shayad

    gul-e-tar bagh se hanste hue bahar nikalte hain

    jahannam se koi kah de zara hoshiyar ho jae

    ghazab ka waqt hai qabron se daman tar nikalte hain

    tawaqqo uTh gai aane ki bilkul yun uThaya hai

    ki aaj un ki gali se hum ma-e-bistar nikalte hain

    karun kyunkar na tazim us ki main lae jo KHat us ka

    ki aksar is tarah ke log paighambar nikalte hain

    qafas mein ham-safiran-e-chaman kyun chhoDe jate ho

    zara do din Thahar jao hamare par nikalte hain

    jigar-dari ka dawa miT gaya har shaKHs kahta hai

    jo donon hath hum rakkhe hue dil par nikalte hain

    'rashid' aaghaz-e-ulfat se kahin anjam behtar hai

    ki bahr-e-ishq ke Dube lab-e-kausar nikalte hain

    Source:

    • Book : Gulistan-e-Rasheed (Pg. ghazal-46 page-51)
    • Author : Piyare Sahab Rasheed
    • Edition : 1952
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY