ترا دل تو نہیں دل کی لگی ہوں
ترا دل تو نہیں دل کی لگی ہوں
ترے دامن پہ آنسو کی نمی ہوں
میں اپنے شہر میں تو اجنبی تھا
میں اپنے گھر میں بھی اب اجنبی ہوں
کہاں تک مجھ کو سلجھاتے رہو گے
بہت الجھی ہوئی سی زندگی ہوں
خبر جس کی نہیں باہر کسی کو
میں تہ خانے کی ایسی روشنی ہوں
تھکن سے چور تنہا سوچ میں گم
میں پچھلی رات کی وہ چاندنی ہوں
مرا یہ حشر بھی ہونا تھا اک دن
کبھی اک چیخ تھا اب خامشی ہوں
گزر کر نیک و بد کی ہر گلی سے
سراپا آگہی ہوں گمرہی ہوں
مرا یہ حزنیہ اس دور میں ہے
سخن تو ہوں مگر ناگفتنی ہوں
مأخذ:
Funoon(Jadeed Ghazal Number: Volume-002) (Pg. 443)
-
- اشاعت: 1969
- ناشر: احمد ندیم قاسمی
- سن اشاعت: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
