tirchhi nazar se dekhiye talwar chal gai

Muneer Shikohabadi

tirchhi nazar se dekhiye talwar chal gai

Muneer Shikohabadi

MORE BYMuneer Shikohabadi

    tirchhī nazar se dekhiye talvār chal ga.ī

    zaḳhm-e-jigar raah se hasrat nikal ga.ī

    mal-dal se vasl meñ tirī mahram nikal ga.ī

    chuTkī se ai parī bunat añgiyā mal ga.ī

    bulbul ko mast kartī hai ḳhushbū libās

    shāyad nasīm itr-e-bahār aaj mal ga.ī

    kañghī se itnī der meñ suljhā.ī ek zulf

    ai jaan aadhī raat bakheḌe meñ Dhal ga.ī

    mazmūn terī zard hinā na bañdh sakā

    manhad machhlī haath meñ aa kar nikal ga.ī

    itnā na kījiye gul-e-ruḳhsār par ġhurūr

    do din ye bahār hai aaj aa.ī kal ga.ī

    andāz tere haal sīkhī jo raat ko

    teġh-e-hilāl kabk par ai maah chal ga.ī

    sar se hamāre phir ga.ī shamshīr-e-barq-dam

    ai jaan girte girte ye bijlī sambhal ga.ī

    kyā saaf gaal haiñ ki na Thahre nazar kahīñ

    be-sāḳhta nigāh hamārī phisal ga.ī

    rañg-e-vafā uḌā dil-e-saḳht-e-raqīb se

    botal meñ ye sharāb na Thahrī ubal ga.ī

    kyuuñ chashm-e-mast ho ga.e jām-e-sharāb aaj

    kyā ho gayā jo aañkh tumhārī badal ga.ī

    mazmūn-e-garm par mere ta.ana na kar sake

    añgusht-e-e'tirāz harīfoñ chal ga.ī

    miTTī mirī ḳharāb huī rāh-e-ishq meñ

    barbād kar ke un savārī nikal ga.ī

    mujh se pūchhtā hai mirā nāma-bar patā

    aisī firāq-e-yār meñ sūrat badal ga.ī

    ai shoḳh terī dast-darāzī se nashshe meñ

    gardūñ tak āftāb pagḌī uchhal ga.ī

    de kar mai-e-do-ātisha us se lipaT gayā

    do āñchoñ meñ raqīb kyā daal gal ga.ī

    jannat se bahra-var hoñ zafar-gañj ai 'munīr'

    jo jo thī aarzū mire dil meñ nikal ga.ī

    tirchhi nazar se dekhiye talwar chal gai

    zaKHm-e-jigar ki rah se hasrat nikal gai

    mal-dal se wasl mein teri mahram nikal gai

    chuTki se ai pari bunat angiya ki mal gai

    bulbul ko mast karti hai KHushbu libas ki

    shayad nasim itr-e-bahaar aaj mal gai

    kanghi se itni der mein suljhai ek zulf

    ai jaan aadhi raat bakheDe mein Dhal gai

    mazmun teri zard hina ka na bandh saka

    manhad ki machhli hath mein aa kar nikal gai

    itna na kijiye gul-e-ruKHsar par ghurur

    do din ki ye bahaar hai aaj aai kal gai

    andaz tere haal ki sikhi jo raat ko

    tegh-e-hilal kabk par ai mah chal gai

    sar se hamare phir gai shamshir-e-barq-dam

    ai jaan girte girte ye bijli sambhal gai

    kya saf gal hain ki na Thahre nazar kahin

    be-saKHta nigah hamari phisal gai

    rang-e-wafa uDa dil-e-saKHt-e-raqib se

    botal mein ye sharab na Thahri ubal gai

    kyun chashm-e-mast ho gae jam-e-sharab aaj

    kya ho gaya jo aankh tumhaari badal gai

    mazmun-e-garm par mere tana na kar sake

    angusht-e-e'tiraaz harifon ki chal gai

    miTTi meri KHarab hui rah-e-ishq mein

    barbaad kar ke un ki sawari nikal gai

    mujh se hi puchhta hai mera nama-bar pata

    aisi firaq-e-yar mein surat badal gai

    ai shoKH teri dast-daraazi se nashshe mein

    gardun tak aaftab ki pagDi uchhal gai

    de kar mai-e-do-atisha us se lipaT gaya

    do aanchon mein raqib ki kya dal gal gai

    jannat se bahra-war hon zafar-ganj ai 'munir'

    jo jo thi aarzu mere dil mein nikal gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY