ترے جلووں کا وہ عالم نہیں ہے
ترے جلووں کا وہ عالم نہیں ہے
شعور دید ورنہ کم نہیں ہے
نظام زندگی ہے منتشر سا
مزاج یار تو برہم نہیں ہے
کبھی لذت کش راحت نہ ہوں گے
میسر جن کو تیرا غم نہیں ہے
دیا ہے غم زمانے بھر کا مجھ کو
عنایت یہ بھی تیری کم نہیں ہے
ہمیں امید ہو کیوں کر کرم کی
ستم بھی جب ترا پیہم نہیں ہے
نوازش ہو گئی جس پر جنوں کی
اسے دنیا میں کوئی غم نہیں ہے
میسر ہے تری آنکھوں کی مستی
مجھے سودائے جام جم نہیں ہے
سلیقہ ہو اگر جینے کا صابرؔ
حیات چند روزہ کم نہیں ہے
مأخذ:
نوائے جنوں (Pg. 30)
- مصنف: صابر ابو ہری
-
- ناشر: جمال پرنٹنگ پریس، دہلی
- سن اشاعت: 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
