tere kuche mein pahra baDh gaya hai
tire kūche meñ pahra baḌh gayā hai
mire luTne kā ḳhatra baḌh gayā hai
naqāb-e-ruḳh abhī kuchh aur uThāo
mirī āñkhoñ kā ḳharcha baḌh gayā hai
kisī din aa ke samjhauta karā do
hamārā ham se jhagḌā baḌh gayā hai
tumhārī saude-bāzī kī badaulat
hamārā bhaav kitnā baḌh gayā hai
hamārī chhoTī-chhoTī kyāriyoñ meñ
zamīñ-dāroñ kā hissa baḌh gayā hai
qasīde marsiyoñ meñ dab ga.e haiñ
chale aao ki qissa baḌh gayā hai
sabhī dīvāreñ ūñchī ho ga.ī haiñ
ab us ke ghar kā saaya baḌh gayā hai
mujhe lagtā nahīñ ye ḳhatm hogā
tire sunñe se qissa baḌh gayā hai
tere kuche mein pahra baDh gaya hai
mere luTne ka KHatra baDh gaya hai
naqab-e-ruKH abhi kuchh aur uThao
meri aankhon ka KHarcha baDh gaya hai
kisi din aa ke samjhauta kara do
hamara hum se jhagDa baDh gaya hai
tumhaari saude-bazi ki badaulat
hamara bhaw kitna baDh gaya hai
hamari chhoTi-chhoTi kyariyon mein
zamin-daron ka hissa baDh gaya hai
qaside marsiyon mein dab gae hain
chale aao ki qissa baDh gaya hai
sabhi diwaren unchi ho gai hain
ab us ke ghar ka saya baDh gaya hai
mujhe lagta nahin ye KHatm hoga
tere sunne se qissa baDh gaya hai
- Book : Hijr Ki Dusri Dawa (Pg. 43)
- Author : Fahmi Badayuni
- Publication : Rekhta Publications (2022)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
