teri nazar ke ishaaron se khel sakta hun
tirī nazar ke ishāroñ se khel saktā huuñ
jigar-faroz sharāroñ se khel saktā huuñ
tumhāre dāman-e-rañgīñ kā aasrā le kar
chaman ke mast nazāroñ se khel saktā huuñ
kisī ke ahd-e-mohabbat kī yaad baaqī hai
baḌe hasīn sahāroñ se khel saktā huuñ
maqām-e-hosh-o-ḳhirad intiqām-e-vahshat hai
junūñ kī rāh-guzāroñ se khel saktā huuñ
mujhe ḳhizāñ ke bagūle salām karte haiñ
hayā-farosh chanāroñ se khel saktā huuñ
sharāb o sher ke dariyā meñ Duub kar 'sāġhar'
surūr-o-kaif ke dhāroñ se khel saktā huuñ
teri nazar ke ishaaron se khel sakta hun
jigar-faroz shararon se khel sakta hun
tumhaare daman-e-rangin ka aasra le kar
chaman ke mast nazaron se khel sakta hun
kisi ke ahd-e-mohabbat ki yaad baqi hai
baDe hasin sahaaron se khel sakta hun
maqam-e-hosh-o-KHirad intiqam-e-wahshat hai
junun ki rah-guzaron se khel sakta hun
mujhe KHizan ke bagule salam karte hain
haya-farosh chanaron se khel sakta hun
sharab o sher ke dariya mein Dub kar 'saghar'
surur-o-kaif ke dhaaron se khel sakta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
