to ab haalat mein apni yun bhi tabdili nahin hoti

to ab hālat meñ apnī yuuñ bhī tabdīlī nahīñ hotī

ye miTTī ḳhuun bhī pī kar kabhī giilī nahīñ hotī

huā jaatā hai qudrat ke usūloñ meñ daḳhīl insāñ

havā ab to december meñ bhī barfīlī nahīñ hotī

chalo āñkhoñ se ab ke baat kar ke dekhte haiñ ham

zabāñ se baat to hotī hai tafsīlī nahīñ hotī

vo jo mahsūs kartī hai bayāñ kartī hai ab khul kar

ġhazal pahle zamāne jaisī sharmīlī nahīñ hotī

hameñ hai shauq aisā Thokaroñ ko āzmāne kā

ki us rah par nahīñ chalte jo pathrīlī nahīñ hotī

sambhal kar ai 'obaid'-e-ḳhush-gumāñ rahnā Thahar kar yaañ

bilā maqsad miyāñ rassī kabhī Dhīlī nahīñ hotī

to ab haalat mein apni yun bhi tabdili nahin hoti

ye miTTi KHun bhi pi kar kabhi gili nahin hoti

hua jata hai qudrat ke usulon mein daKHil insan

hawa ab to december mein bhi barfili nahin hoti

chalo aankhon se ab ke baat kar ke dekhte hain hum

zaban se baat to hoti hai tafsili nahin hoti

wo jo mahsus karti hai bayan karti hai ab khul kar

ghazal pahle zamane jaisi sharmili nahin hoti

hamein hai shauq aisa Thokaron ko aazmane ka

ki us rah par nahin chalte jo pathrili nahin hoti

sambhal kar ai 'obaid'-e-KHush-guman rahna Thahar kar yan

bila maqsad miyan rassi kabhi Dhili nahin hoti