to phir main kya agar anfas ke sab tar gum usMein

Zafar Gorakhpuri

to phir main kya agar anfas ke sab tar gum usMein

Zafar Gorakhpuri

MORE BYZafar Gorakhpuri

    to phir maiñ kyā agar anfās ke sab taar gum us meñ

    mire hone na hone ke sabhī āsār gum us meñ

    mirī āñkhoñ meñ ik mausam hamesha sabz rahtā hai

    ḳhudā jaane haiñ aise kaun se ashjār gum us meñ

    hazāroñ saal chal kar bhī abhī ḳhud tak nahīñ pahuñchī

    ye duniyā kaash ho jaa.e kabhī ik baar gum us meñ

    vo jaisā abr bheje jo havā sar par chalā.e vo

    mire dariyā mire sahrā mire kohsār gum us meñ

    nahīñ mālūm āḳhir kis ne kis ko thaam rakkhā hai

    vo mujh meñ gum hai aur mere dar o dīvār gum us meñ

    'zafar' us ke the ham to kab talak us se alag rahte

    hue ham ek din honā thā āḳhir-kār gum us meñ

    to phir main kya agar anfas ke sab tar gum us mein

    mere hone na hone ke sabhi aasar gum us mein

    meri aankhon mein ek mausam hamesha sabz rahta hai

    KHuda jaane hain aise kaun se ashjar gum us mein

    hazaron sal chal kar bhi abhi KHud tak nahin pahunchi

    ye duniya kash ho jae kabhi ek bar gum us mein

    wo jaisa abr bheje jo hawa sar par chalae wo

    mere dariya mere sahra mere kohsar gum us mein

    nahin malum aaKHir kis ne kis ko tham rakkha hai

    wo mujh mein gum hai aur mere dar o diwar gum us mein

    'zafar' us ke the hum to kab talak us se alag rahte

    hue hum ek din hona tha aaKHir-kar gum us mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY